Turmystyq zorlyq-zombylyqqa qatysty jaýapqa tartylǵandardyń 81%-y - esh jerde jumys istemegender. Bul týraly Ortalyq kommýnikatsiialar qyzmetinde ótken brifingte aityldy, dep habarlaidy QazAqparat.
«Sońǵy bes jylda áielder men balalardyń quqyqtaryn buzatyn qylmystar sany eki esege azaidy. Sonymen qatar, karantin jáne qatań oqshaýlaý jaǵdaiynda turmystyq zorlyq-zombylyq problemasy kúsheie tústi. Mundai jaǵdai qazirgi kezde kóptegen elde bolyp jatyr. Ótken jyldyń sońynda osyndai qylmys sany 4,7% ósti», - deidi QR IIM Ákimshilik politsiia komiteti tóraǵasynyń orynbasary Aleksei Miliýk.
Onyń aitýynsha, tirkelgen qylmystyq quqyq buzýshylyqtardyń jalpy sanymen salystyrǵanda otbasylyq qylmystyń úlesi az, bar bolǵany 1% quraidy.
«Sonymen qatar, turmystyq zorlyq-zombylyq qurbandarynyń 50% -dan astamy – áielder bolsa, 6,4%-y – kámeletke tolmaǵandar. Ádette, mundai quqyq buzýshylyqtardyń jartysy mas kúide jasalady. Turmystyq zorlyq-zombylyqqa qatysty jaýapqa tartylǵandardyń 81% -y esh jerde jumys istemegender», - deidi ol.
