Túrkiiaǵa tikelei áýe reisteri artady. Bul týraly QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Búgin ǵana Túrkiiamen áýe qatynasy máselesin talqylaǵan edik. Qazirgi ýaqytta Túrkiiamen áýe qatynasynda 12 dástúrli baǵyt bar. Olar: Nur-Sultan-Ystanmbul, Almaty-Ystanbul, Túrkistan-Ystanbul, Shymkent-Ystanbul, Almaty-Antalia. 20 baǵdar qysqardy. Jaz maýsymy bastalǵannan keiin qazaqstandyqtardyń kópshiligi Túrkiiaǵa demalýǵa barady. Osyny eskere otyryp, vedomstvoaralyq komissiiaǵa, Túrkiia Respýblikasyndaǵy tiisti organdardaǵy áriptesterimizge ótinim berdik, másele pysyqtalyp jatyr», - dedi ministr halyqqa esep berý kezdesýinde barysynda.
Sonymen qatar ol aldaǵy ýaqytta Túrkiiamen aradaǵy áýe qatynastary keńeitilýi múmkin ekendigin aitty.
«Menińshe, taiaý ýaqytta biz reisterdiń sanyn eń birinshi kezekte Antaliaǵa keńeitetin bolamyz. Maýsym aiynan bastap-aq azamattarymyz saparlai alýy úshin Antaliaǵa ótinim berip qoidyq. Másele bir aptanyń ishinde pysyqtalyp, keńeitiledi dep oilaimyn», - dedi Beibit Atamqulov.
