Túrkiianyń Antalia provintsiiasyndaǵy alapat órtten qazaq tapqandar men zardap shekkender arasynda Qazaqstan azamattary joq.
Bul týraly Qazaqstan Respýblikasynyń Túrik Respýblikasyndaǵy Tótenshe jáne Ókiletti Elshisi Abzal Saparbekuly Facebook-tegi paraqshasynda jazdy.
«Osy qiyn syn saǵatta túrik baýyrlarymyzǵa Alla jar bolsyn deiik. Túrkiianyń Antalia provintsiiasy Antalia men Alaniia arasyndaǵy Manavgat aýdanynda taýly jerde (teńiz jaǵalaýynan uzaqtaý) keshe saǵat 12:00 bastalǵan buryn sońdy bolmaǵan órt áli de jalǵasýda. Árine, birinshi kezekte QR azamattarynyń qaýipsizdigi. Antalia Konsýldyq esebinde resmi tirkelgen 200-ge jýyq azamatymyz bar. Is júzinde bul jerde turǵylyqty, qysqa merzimdi turyp jatqan azamattarymyzdyń sany áldeqaida joǵary. Demalysqa kelip demalyp jatqandar kóp. Abyroi bolǵanda qaza tapqan jáne ondaǵan jaraly kisiler arasynda bizdiń azamattar joq», - deidi Túrkiiadaǵy Qazaqstan Elshisi.
Tótenshe jáne Ókiletti Elshi resmi málimet boiynsha 600 gektardan astam orman otqa oranǵanyn aitady.
«Órt sharpyǵan ormannyń aýqymy budan 3-4 esege artýy múmkin. 50-ge jýyq shaǵyn aýyldar kóshirilgen. 7-8 aýyl janyp ketken. Iaǵni, túsinetinderge túrik aǵaiyndar óte qiyn jaǵdaiǵa tap bolyp otyr. Ókinishke qarai qatty jelge bailanysty órt tolyq baqylaýǵa alyndy deý qiyn. Tilsiz jaý Alaniia aýdany shekerasyna jaqyndap qaldy degen aqparattar túsýde», - deidi Abzal Saparbekuly.
