Qazaqstan Respýblikasynyń Ulttyq mýzeii «Qasietti Qazaqstan» ólketanýdy damytý ortalyǵy men Túrik yntymaqtastyq jáne úilestirý agenttiginiń áriptestigi aiasynda oblystardyń tarihi-ólketaný mýzei mamandary is-tájiribe almasýǵa Túrkiiaǵa barady.
Saparǵa Túrkiia Respýblikasynyń Mádeniet jáne týrizm ministrligi men mádeni mura jáne mýzeiler basqarmasy jetekshilik etedi.
19-23 qarasha kúnderine josparlanǵan is-tájiribe almasý saparynda qazaqstandyq delegatsiia Ankara, Adana, Mersin, Ystambul qalalarynda bolady. Sapar aiasynda mýzei qyzmetkerleri Túrkiiadaǵy Mýzeilerdiń damýy jáne damyp kele jatqan mýzeiler týraly aqparat alyp qana qoimai, mýzeidegi eńbekterdi saqtaý jáne mýzei kórinisteriniń jumystaryn daiyndaý tásilimen de egjei-tegjeili tanysady, sondai-aq mýzei basqarý, mýzei qyzmetkerlerin oqytýdyń tehnologiiasyn, qyr-syryn igeredi.
Astana, Almaty qalasy, Qaraǵandy, Mańǵystaý, Aqmola, Atyraý, Pavlodar, Almaty oblystarynyń tarihi-ólketaný mamandary qatysatyn is-tájiribe aiasynda Túrkiiada Mýzeidiń damýy jáne damyp kele jatqan mýzeiler týraly arheolog doktor Soner Áteshullary, Túrkiia mýzeilerindegi oqytý treningteri týraly Ankara ýniversiteti professory Aishe Chakir Ilhan, Mýzeilerdegi eńbekterdi saqtaý jáne mýzei kórinisteriniń jumystaryn daiyndaý týraly Restorator-arheolog-Ilkai Ivgin dáris oqysa, Mýzei Ulttyq inventarizatsiia júiesiniń jobasyn (MUES) jetekshisi Hakan Aaigyn tanystyrady.Eki jaqty kezdesýler aiasynda Qazaqstan mýzeishileri Ankaradaǵy Anadoly órkenietter mýzeiin, Ankara etnografiialyq mýzeiin, emes mýzei Atatúriktiń mavzoleii Antqabirdi aralaidy. Adana mýzeiine de bas suǵyp, Qurylysty qalpyna keltirý jumystarynyń ekinshi kezeńimen tanysady. Ári, Jerorta teńizi jaǵalaýyndaǵy Mersin qalasynda da bolyp, mýzeiin, tarihy 2500 jylǵa sozylǵan áigili Qyzqorǵany – Qyzkalesin tamashalaidy.
Sondai-aq Ystambuldyń áigili tarihi aýdany Fatihta myńjyldyqtardyń murasy Aiasofiia mýzeiin, Osmanly mádenietiniń jaýhary Sultanahmet meshitin, Topkapy saraiyn kóredi. Sapardy Ystambul Arheologiia mýzeilerin, mýzei jáne túrik islam óneriniń mýzeiin aralaýmen tamamdaidy.
Mýzei qyzmetkerlerimen qosa mamandar, mýzeitanýshylardan quralatyn delegatsiia elge qaitqan soń óńirlerde ólketaný is-tájiribesi týrasynda seminar-treningter ótkizedi.
Eske sala ketetin bolsaq, jyl basynda Prezident janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiia otyrysynda «Týǵan jer» jobasyn odan ári júzege asyrý aiasynda Qazaqstanda Ólketanýdy damytýdyń arnaiy tujyrymdamasy ázirlenetini týraly aitylǵan edi.
