Túrkiiada koronavirýspen aýyrǵandarmen bailanysta bolǵan adamdar týraly jalǵan aqparat taratqandar 3 aidan eki jylǵa deiin túrmege jabylýy múmkin. Bul týraly Anadoly agenttigi.
Agenttiktiń habarlaýynsha, azamattardyń belgili bir sanaty naýqastardy, ásirese jeke sektor qyzmetkerlerin oqshaýlaýdyń ekonomikalyq saldaryn boldyrmaýǵa úmittenip, politsiia men densaýlyq saqtaý ministrliginiń qyzmetkerlerinen bailanystary týraly aqparatty jasyrǵandy jón kóredi.
Mundai áreketter zańmen qýdalanady jáne Túrkiianyń Qylmystyq kodeksiniń 206-babyna sáikes 3 aidan eki jylǵa deiin bas bostandyǵynan aiyrý nemese aiyppul qarastyrylǵan dep kórsetilgen.
Sońǵy málimetter boiynsha, Túrkiiada koronavirýs infektsiiasy jaǵdailarynyń sany 308 069-ǵa jetti, onyń 270 myńnan astamy aýrýynan aiyqty.
