Túrkiiada jańa úlgidegi koronavirýs (Covid-19) juqtyrýdyń taǵy 12 jaǵdaiy tirkeldi, dep jazdy Túrkiia Respýblikasy Densaýlyq saqtaý ministrliginiń basshysy Faahrettin Kodja Tvitterde. Bul týraly Anadoly agenttigi habarlady.
Osylaisha, elde aýrý juqtyrǵandar sany 18 adamǵa jetti.
«Jańadan aýrý juqtyrǵandar sany 12 boldy. Qazirgi ýaqytta naýqastardyń jalpy sany – 18 adam», - dedi vedomstvo basshysy.
Onyń aitýynsha, koronavirýsqa tapsyrǵan synamasy oń nátije bergen eki naýqas Túrkiiada COVID-19 virýsyn birinshi juqtyrǵandarmen bailanysta bolǵan.
Kodjanyń aitýynsha, aýrý juqtyrǵandardyń jeteýi - Eýropa elderinde, úsheýi – AQSh-ta bolǵan.
