Foto: QR EM
BAQ ókilderiniń suraqtaryna jaýap bere otyryp, QR Energetika ministri Erlan Aqkenjenov Túrkiia Respýblikasymen munai-gaz salasyndaǵy yntymaqtastyqtyń damýy týraly aityp berdi, dep habarlaidy Ult.kz.
Ministrdiń aitýynsha, Memleket basshysynyń Túrkiiaǵa jaqynda jasaǵan resmi sapary aiasynda «QazMunaiGaz» ulttyq kompaniiasy men Turkish Petroleum arasynda ózara yntymaqtastyq týraly memorandýmǵa qol qoiyldy. Qujat aiasynda taraptar Qazaqstandaǵy munai-gaz ken oryndaryn igerýge túrik kompaniiasynyń qatysý múmkindigin qarastyrýda, investitsiia úshin áleýetti ýchaskeler men sharttar talqylanýda.
«Qazirgi ýaqytta eki kompaniia keńesýler ótkizip, ken oryndaryn zerttep jatyr jáne Turkish Petroleum kompaniiasynyń Qazaqstanda jumysyn bastaý sharttaryn baǵalaýda», — dedi Ministr.
Sondai-aq, QR Energetika ministrligi men Túrkiianyń Energetika jáne tabiǵi resýrstar ministrligi arasynda da memorandýmǵa qol qoiyldy. Bul qujat munai-gaz salasynan bólek, jańartylatyn energiia kózderi men elektr energetikasy salalaryndaǵy jobalardy damytýdy qamtidy. Qol qoiylǵan kelisimder taraptardyń energetikalyq áriptestikti tereńdetýge degen strategiialyq qyzyǵýshylyǵy men joǵary deńgeidegi senimin kórsetedi.
