Túrkiia Qara teńizde kólemi 135 mlrd tekshe metr jańa gaz ken ornyn anyqtady. Bul týraly el prezidenti Rejep Taiyp Erdoǵan málim etti, dep habarlaidy "Ult aqparat" Anadoly aqparat agenttigine silteme jasap.
«Bizdiń «Fatih» burǵylaý kemesi «Sakaria» ýchaskesiniń Amasra-1 uńǵymasynda kólemi 135 milliard tekshe metrdi quraityn tabiǵi gaz jańa ken ornyn anyqtady», - dedi Túrkiia eliniń prezidenti Rejep Taiyp Erdoǵan.
Memleket basshysy Túrkiianyń Qara teńizde anyqtaǵan tabiǵi gaz qorynyń jalpy kólemi osymen 540 milliard tekshe metrge jetkenin atap ótti.
Ol Amasra-1 uńǵymasy aýdanyndaǵy burǵylaý jumystary jalǵasyp otyrǵanyn jáne el biligi bul aimaqtan «jańa jaqsy jańalyqtardy» kútip otyrǵanyn málimdedi.
Prezident Erdoǵan sondai-aq tabiǵi gazdy teńizden qurlyqqa úsh kezeńmen jetkizý josparlanyp otyrǵanyn atap ótti.
Onyń aitýynsha, birinshi kezeńde tabiǵi gazdy teńiz túbinen óndirý júieleri ornatylady, al ekinshi kezeńde tabiǵi gazdy qurlyqta óńdep, ony paidalanýǵa daiyndaityn qurylǵyny iske qosý josparlanǵan.
«Úshinshi kezeń – bul teńizdegi júie men qurlyqtaǵy nysan arasyndaǵy bailanysty qamtamasyz etetin qubyr jelisi», - dep baiandady Túrkiia prezidenti.
