Túrkistan oblysynyń Sozaq aýdanynda qar qursaýynda qalǵan 4 jolaýshylar avtobýsy men 4 jeńil kólik qutqaryldy, dep habarlaidy "Ult aqparat".
Túrkistan oblysy aýmaǵynda birneshe kún boiy soqqan boran men qalyń qar kólikterdiń júrýine kedergi keltirip, jolda qaldyrdy.
Aýyr júk kólikteri men jeńil mashinalar jol jiegine shyǵyp ketip, tipti keibiri bir-birine soqtyǵysqan. Aýa raiynyń qolaisyzdyǵyn eskergen óńirdiń tártip saqshylary respýblikalyq jáne oblystyq mańyzy bar joldarǵa jumyldyryldy. Táýlik boiyna kúsheitilgen rejimde jumys istegen politseiler barynsha turǵyndarǵa saq bolýlary men úiden shyqpaýlaryn eskertti. Al, jolda qalǵan jolaýshylardy qyzmettik kólikterimen jyly oryndarǵa jetkizdi. Sondai-aq qarǵa batyp, júre almai qalǵan kólikterge qaryn kúrep, qaitadan júrip ketýine yqpal jasady.
Máselen, Sozaq aýdandyq politsiia bóliminiń politsiia qyzmetkerleri «Ulanbel-Sozaq-Ekpindi» tasjolynda qar qursaýynda qalyp qoiǵandarǵa qol ushyn sozdy. Bir táýlik ishinde 4 avtobýs, 4 jeńil avtokólik jol shetine shyǵyp qalǵan. Tártip saqshylary 100-den astam jolaýshyny qutqaryp, úi-jailaryna jetkizdi.
