Qostanai oblysynda tótenshe jaǵdai oryn alǵan sátten Túrkistan oblystyq Jastar Resýrstyq ortalyǵynyń janynan jedel shtab qurylyp, barlyq 17 aýdan, qalalyq Jastar resýrstyq ortalyqtarynda gýmanitarlyq kómekter qabyldandy. Nátijesinde Qostanai oblysyna búginge deiin 100 tonnadan astam gýmanitarlyq kómek jóneltildi.
Atalǵan sharaǵa Túrkistan oblystyq Qazaqstan halqy Assambleiasynyń músheleri men etno-mádeni birlestikter, oblystyq Qazaqstan stýdentter Aliansy belsendileri, «Jas Qadam» jastar uiymy, «Kózqaras» uiymy belsendileri, oblystyq «Amanat» partiiasynyń, oblystyq isker áielder qaýymdastyǵy músheleri de erekshe atsalysty.
Alǵashqy kúnniń ózinde aýdan, qalalyq máslihat depýtattary, jergilikti jomart azamattar eń qajetti jáne jolǵa jaramdy zattarmen qamtyp úlgerdi.
Bir táýliktiń ishinde Maqtaaral aýdany, Arys jáne Túrkistan qalalarynan jalpy 3 júk kólik gýmanitarlyq kómek jinalyp, Qostanaiǵa jolǵa shyqty.
Búgin, oblystyq Qoǵamdyq damý basqarmasyna qarasty oblystyq Jastar resýrstyq ortalyǵy, Qoǵamdyq kelisim mekemesiniń qyzmetkerleriniń uiymdastyrýymen azyq-túlik ónimderi, aýyz sý, jeke gigienalyq zattar jáne tósek-oryn jabdyqtaryn qosqanda 23 tonna gýmanitarlyq kómek jinaqtalyp, Qostanai oblysyna jónetildi.
Atalǵan kómekti Qostanai oblysyna deiin jetkizý óńirdegi Jastar Resýrstyq ortalyqtarynyń basshylary, oblys belsendilerine júkteldi.
Aita ketý kerek, óńirdiń 10 belsendi jasy apatty qalpyna keltirý jumystaryna qatysyp, zardap shekken turǵyndarǵa kómek kórsetý maqsatynda jolǵa shyqqan bolatyn.
