Túrkistan qalasynda ornalasqan «Royal Grand» qonaqúiinde bolǵan órt saldarynan zardap shekkender sany 11 adamǵa jetti, dep habarlaidy "Ult aparat".
«10 qyrkúiek kúni Túrkistan qalasynda ornalasqan »Royal Grand« qonaqúiinde oryn alǵan órt saldarynan barlyǵy 11 adam zardap shekken. 6 órt sóndirý qyzmetkeri meditsinalyq kómekke júgingen. 3 politsiia qyzmetkeri jáne 2 qala turǵynyna meditsinalyq járdem kórsetilgen. Ortalyq qalalyq aýrýhanaǵa 5 zardap shegýshi jetkizildi. Olardyń tórteýi jatqyzylyp, bir azamat qaitaryldy. Jaraqat beketine 3 adam tasymaldandy. Oqiǵa ornynda politseiler men TJQ qyzmetkerleri jumys jasaýda» delingen habarlamada.
Aita keteiik, keshe oqiǵa saldarynan japa sheken 10 adamǵa meditsinalyq kómek kórsetilgenin jazǵan bolatynbyz.
Málimetke sai, qazirgi tańda Túrkistan oblysynyń politseileri bolǵan oqiǵanyń tolyq mán-jaiyn anyqtaýda. Saraptamalar taǵaiyndaldy. Aldyn ala málimet boiynsha, qonak úi artynda gaz kuiǵysh tsisterna bolǵan. Zil avtokóligimen gaz tolyqtyrý barysynda órt shyǵyp, sońynda jarylǵan.
«Túrkistan qalasynda ornalasqan «Royal Grand» qonaqúiinde órt shyqty. Eń bastysy, adam shyǵyny joq. Tilsiz jaýdyń oryn alýyna gaz tsisternasynyń jarylýy sebep bolǵan», - deidi oblystyq tótenshe jaǵdailar jónindegi departament basshysy Nurǵali Júnisov.
Aldyn ala berilgen málimetterge súiensek, órt 3 tonnalyq gaz tsesternasyn toltyrý kezinde shyqqan. Órttiń kólemi 1400 sharshy metr. Órt týraly málimet 18:05-da túsken. Qonaqúi ishinde meimanhana, ashana ornalasqan.
