تٷركٸستان قالاسىندا ورنالاسقان «Royal Grand» قوناقٷيٸندە بولعان ٶرت سالدارىنان زارداپ شەككەندەر سانى 11 ادامعا جەتتٸ, دەپ حابارلايدى "ۇلت اپارات".
«10 قىركٷيەك كٷنٸ تٷركٸستان قالاسىندا ورنالاسقان »Royal Grand« قوناقٷيٸندە ورىن العان ٶرت سالدارىنان بارلىعى 11 ادام زارداپ شەككەن. 6 ٶرت سٶندٸرۋ قىزمەتكەرٸ مەديتسينالىق كٶمەككە جٷگٸنگەن. 3 پوليتسييا قىزمەتكەرٸ جەنە 2 قالا تۇرعىنىنا مەديتسينالىق جەردەم كٶرسەتٸلگەن. ورتالىق قالالىق اۋرۋحاناعا 5 زارداپ شەگۋشٸ جەتكٸزٸلدٸ. ولاردىڭ تٶرتەۋٸ جاتقىزىلىپ, بٸر ازامات قايتارىلدى. جاراقات بەكەتٸنە 3 ادام تاسىمالداندى. وقيعا ورنىندا پوليتسەيلەر مەن تجق قىزمەتكەرلەرٸ جۇمىس جاساۋدا» دەلٸنگەن حابارلامادا.
ايتا كەتەيٸك, كەشە وقيعا سالدارىنان جاپا شەكەن 10 ادامعا مەديتسينالىق كٶمەك كٶرسەتٸلگەنٸن جازعان بولاتىنبىز.
مەلٸمەتكە ساي, قازٸرگٸ تاڭدا تٷركٸستان وبلىسىنىڭ پوليتسەيلەرٸ بولعان وقيعانىڭ تولىق مەن-جايىن انىقتاۋدا. ساراپتامالار تاعايىندالدى. الدىن الا مەلٸمەت بويىنشا, قوناك ٷي ارتىندا گاز كۇيعىش تسيستەرنا بولعان. زيل اۆتوكٶلٸگٸمەن گاز تولىقتىرۋ بارىسىندا ٶرت شىعىپ, سوڭىندا جارىلعان.
«تٷركٸستان قالاسىندا ورنالاسقان «Royal Grand» قوناقٷيٸندە ٶرت شىقتى. ەڭ باستىسى, ادام شىعىنى جوق. تٸلسٸز جاۋدىڭ ورىن الۋىنا گاز تسيستەرناسىنىڭ جارىلۋى سەبەپ بولعان», - دەيدٸ وبلىستىق تٶتەنشە جاعدايلار جٶنٸندەگٸ دەپارتامەنت باسشىسى نۇرعالي جٷنٸسوۆ.
الدىن الا بەرٸلگەن مەلٸمەتتەرگە سٷيەنسەك, ٶرت 3 توننالىق گاز تسەستەرناسىن تولتىرۋ كەزٸندە شىققان. ٶرتتٸڭ كٶلەمٸ 1400 شارشى مەتر. ٶرت تۋرالى مەلٸمەت 18:05-دا تٷسكەن. قوناقٷي ٸشٸندە مەيمانحانا, اسحانا ورنالاسقان.
