Túrkistan qalasynda iisten ýlanyp qaza tapqan otbasyǵa qatysty arnaiy komissiia quryldy. Oblys ákimi Ómirzaq Shókeevtiń tapsyrmasymen atalǵan otbasyǵa materialdyq kómek kórsetiletin boldy, dep habarlaidy "Ult aqparat".
Búgin aimaq basshysv Ómirzaq Shókeev pen Politsiia Departamenti jáne TJD bastyǵy, Túrkistan qalasynyń ákimi oqiǵa ornyna bardy. Oblys ákimi oqiǵanyń tergeý barysyn jeke baqylaýyna alyp, qaza bolǵandardyń týystary men jaqyndaryna kóńil aitty. Otbasyna materialdyq kómek kórsetýdi tapsyrdy.
«Zardap shekken otbasyna qajetti psihologiialyq jáne materialdyq kómek kórsetiledi. Másele meniń jeke baqylaýymda. Men qaitys bolǵan otbasynyń týystary men jaqyndaryna shyn júrekten kóńil aitamyn», - dedi Ómirzaq Shókeev.
Tótenshe jaǵdai departamentine qalalar men aýdandardyń ákimdikterimen birlesip, barlyq jerde jylytý júielerin tekserýdi jáne jylytý júielerimen jumys isteý kezinde qaýipsizdik sharalaryn saqtaý boiynsha aqparattyq-túsindirý jumystaryn kúsheitý tapsyryldy.
Qaiǵyly oqiǵanyń mán-jaiyn anyqtaý úshin oblys ákiminiń birinshi orynbasary Arman Jetpisbaevtyń basshylyǵymen arnaiy komissiia quryldy.
Aita keteiik, búgin Túrkistan qalasyndaǵy jeke turǵyn úide 5 adamnyń máiiti tabyldy. Belgili bolǵandai kóz jumǵandar 1980 jyly týǵan anasy men 2004, 2006, 2013, 2016 jyly týǵan balalary ekeni anyqtaldy. Al, otaǵasy oqiǵa bolǵan kezde emdelý maqsatynda Shymkent qalasynda bolǵan.
