Túrkistan qalasyndaǵy ákimshilik-iskerlik ortalyǵynda ornalasqan bas shyrshanyń shamy jaǵyldy, dep habarlaidy QazAqparat. 18 metrlik shyrsha 500-dei oiynshyqpen jáne jaryqshammen kórkemdelip, ulttyq naqyshtaǵy oiý-órnektermen bezendirilgen.
Balalarǵa shattyq syilaǵan merekelik is-sharada Túrkistan oblysynyń ákimi Ómirzaq Shókeev bas shyrshanyń shamyn jaǵyp, búldirshinderdiń qýanyshymen bólisti.
Ertegi keiipkerleri men aiaz ata qarshaqyzben birge balaqailarǵa kóterińki kóńil-kúi syilap, birge biledi. Talantty ánshi Aizada Álimbek «Jańa jyl» ánin shyrqap, balalardyń án toby da óner kórsetip, merekeni ásem ánmen órnektedi. Kesh kópshilikti balalyq shaqqa jetelep, ádemi áser syilady. Balaqailarǵa syilyqtar taratyldy.
Shyrsha demeýshiler esebinen ornatylǵan. Sondai-aq Túrkistandaǵy mádeni-rýhani ortalyq pen «Jeńis» saiabaǵynda da shyrsha ornatylyp, olar kóz tartatyn ásem oiynshyqtarmen bezendirildi.
