Túrkistan qalasyndaǵy muǵalimder arasyndaǵy qalalyq spartakiada óz máresine jetti, dep habarlaidy «Ult aqparat» Túrkistan oblysy ákimdiginiń baspasóz qyzmetine silteme jasap.
Aptaǵa sozylǵan jarystyń qorytyndysy boiynsha Á.Naýai atandaǵy №13 mektep-gimnaziiasynyń ustazdary jalpykomandalyq esepte sporttyq básekeniń jeńimpazy atandy. II orynǵa Atatúrik atyndaǵy №17 mektep-gimnaziiasy qol jetkizse, R.Isetov atyndaǵy №20 mektep ujymy III orynǵa taban tiredi.
Jarystyń jabylý saltanatyna arnalǵan qorytyndy keshke arnaiy qatysqan qalalyq adami áleýetti damytý bóliminiń basshysy Orazkúl Qoldasova men qalalyq bilim jáne ǵylym qyzmetkerleri kásipodaq komitetiniń tóraiymy Gúlmira Týrejanova júldegerlerdi marapattady. Sonymen qatar saiys jeńimpazdaryna aýyspaly kýbokti tabystady.
«Barlyǵyńyz spartakiadada belsendilik tanytyp, joǵary nátije kórsettińizder. Ustazdar kúni merekesimen quttyqtaimyn. Sizderge shyǵarmashylyq tabys, eńbekterińizge bereke tileimin. Aralaryńyzda erekshe kózge túsken, úzdikterden quralǵan komanda oblystyq spartakiadaǵa qatysady. Rýhani astanamyzdyń mereiin ústem etip, jeńis tuǵyrynan kórinedi degen senimdemin», – dedi qalalyq adami áleýetti damytý bóliminiń basshysy Orazkúl Shaihyqyzy.
Eske salsaq, sporttyq dodaǵa shahardaǵy mektepterden jasaqtalǵan 32 komanda qatysqan bolatyn. Naqtyraq aitqanda, túrkistandyq 500-ge jýyq ustaz – ústel tennisi, voleibol (erler jáne áielder), shahmat, kishi fýtboldan synǵa tústi.
