Túrkistan qalasynda alǵash ret «GASTRO FEST TURKISTAN – 2022» atty aýqymdy gastronomiialyq festival bastaldy, dep habarlaidy «Ult aqaparat» Túrkistan oblysynyń Óńirlik kommýnikatsiialar qyzmetine silteme jasap.
Sharanyń negizgi maqsaty – qazaqtyń ulttyq taǵamdaryn nasihattaý, týrister úshin elimizdiń qonaqjailyǵyn kórsetý. Atalǵan is-sharany, Túrkistan oblysynyń Týrizm basqarmasyna qarasty «Open Turkistan» týristik aqparattyq ortalyǵy uiymdastyryp otyr.
Festival aiasynda qalanyń úzdik meiramhanalary men dámhanalary ulttyq taǵamdar men strit-fýd dámdilerin ázirlemek. Saǵat 16:00-de marapattaý rásimi ótedi dep josparlanýda.
Ulttyq taǵamdardy ulyqtaǵan shara kontserttik baǵdarlamalar men qyzyqty oiyndarǵa ulaspaq. Shara aiasynda jyldam tamaqtaný boiynsha konkýrstar, jergilikti aspazdardyń sheberlik synyptary jáne taǵy basqa dýmandy is-sharalar ótedi.
Dýmandy shara keshki 20:00-ge deiin jalǵasady.
