.jpg)
Túrkistanda BI Group salǵan halyqaralyq deńgeidegi esý arnasynyń saltanatty ashylý rásimi ótti. Jańa nysan olimpiada standarttaryna sai keledi jáne qalanyń sport, rekreatsiia, týristik ómiriniń ortalyǵyna ainalady.
Esý arnasy Túrkistannyń ákimshilik-iskerlik ortalyǵynda ornalasqan. Jalpy aýdany 100 gektar, onyń shamamen 48 gektaryn sý alyp jatyr. Negizgi kanaldyń uzyndyǵy 2 222 metr, tereńdigi 4 metr, bul joǵary deńgeidegi jarystar ótkizýge múmkindik beredi. Nysannyń infraqurylymyna tribýnalar, qaiyqtarǵa arnalǵan ellingter, qazylarǵa arnalǵan baǵanalar, kógaldandyrylǵan jaǵalaý jáne demalatyn oryndar kiredi. Jobany júzege asyrý kezinde injenerlik jelilerge, sonyń ishinde sýdy filtratsiialaý men aeratsiialaýǵa erekshe nazar aýdaryldy, bul sýdyń tazalyǵyn saqtaýǵa jáne jaqsy mikroklimatty saqtaýǵa múmkindik beredi.
BI Group kompaniiasy qurylys jumystarynyń bas merdigeri retinde jumys istedi. Bul joba injenerlik turǵydan eń kúrdeli jobalardyń biri. Gidrotehnikalyq jumystar, túbine geomembrana tóseý, eńisterdi betondaý, mýltimediialyq júieler men ellingterdiń metall qańqalaryn ornatý keshendi túrde jumys isteýdi talap etti. Joba komandasy kásibilik tanytyp, joba merzimi men standarttardyń saqtalýyn, zamanaýi tehnologiialar men materialdardyń qoldanylýyn, sondai-aq qala turǵyndary men sportshylarǵa arnalǵan qolaily infraqurylymnyń jasalýyn qamtamasyz etti.
Nysannyń negizgi elementi – FISA jáne ICF halyqaralyq federatsiialarymen sertifikattalǵan Albano atty jarys joldaryn belgileitin júie. Ol akademiialyq eskek esý men baidarka jáne kanoemen esý jarystarynda keńinen qoldanylady, sebebi bar bolǵany birneshe saǵat ishinde qashyqtyqtardy ártúrli distsiplinalarǵa beiimdeýge múmkindik beredi. Júie bir mezgilde jolaqtardy belgileýdi de, startqa shyǵýǵa arnalǵan jabdyqty da qamtamasyz etedi, jelge tózimdi dizainymen jáne sý deńgeiiniń ózgerýine táýeldiligi tómen bolýymen erekshelenedi. Qurylymnyń ereksheligi – ony paidalaný kezinde súńgýirlerdiń aralasýyn barynsha az qajet etedi, al qoldanylǵan materialdar korroziiaǵa tózimdi, kúrdeli aýa raiy kezinde de dál bolyp qalady.
Esý arnasynyń ashylýy Túrkistan úshin jańa múmkindikterge jol. 2024 jyldyń qyrkúieginde munda elimizdiń bes óńirinen jáne Ózbekstannan sportshylar qatysqan parakanoe boiynsha Qazaqstan Respýblikasynyń ashyq Kýbogy ótti. Bul týrnir - jańa arenadaǵy alǵashqy halyqaralyq is-shara. Osylai ol arnanyń joǵary deńgeidegi jarystardy ótkizýge keletin daiyn alań ekenin dáleldedi. Halyqaralyq kanoe federatsiiasynyń (ICF) vitse-prezidenti Sesiliia Farias sol kezde jarystyń mańyzyn joǵary baǵalap, parakanoe boiynsha jarys ótkizilýi Qazaqstannyń erekshe qajettilikteri bar adamdarǵa nazar aýdaratynyn atap ótti. Túrkistan oblysy men Shymkent qalasy eskek esý jáne jelkendi sport qaýymdastyǵynyń tóraǵasy Denis Jarmenovtyń aitýynsha, bul nysan sportshylardy daiyndaýdyń joǵary deńgeidegi bazasyna ainalyp, halyqaralyq týrnirlerdi qabyldaýǵa, sondai-aq sporttyq jáne týristik infraqurylymdy damytýǵa múmkindik beredi.
«Bul kanal – Túrkistan úshin mańyzdy joba. Biz jai ǵana sport arenasyn emes, sportty, demalysty jáne ekologiiany biriktiretin nysan saldyq. Sportshylar úshin ol halyqaralyq standarttarǵa sai jattyǵýǵa múmkindik berse, turǵyndarǵa taza sý, serýen aimaqtary jáne kógaldandyrylǵan aýmaqtardyń kómegimen demalýǵa jol ashady. Sý men jasyl jelek jumsaq mikroklimat quryp, bul qalada ómir súrýdi qolailyraq etedi», – dedi joba jetekshisi Saiat Serik.
Esý arnasynyń ashylýy úlken merekelik shara ‒ Turkistan Water Fest & Sky Lights festivalimen aiaqtaldy. Qala turǵyndary men qonaqtary gastronomiialyq festival, áserli sýburqaq shoýy, flaibordtaǵy keremet qoiylymdar, baidarkadaǵy jarystar, balalar men eresekterge arnalǵan kóptegen oiyn-saýyq aimaqtary jáne qazaqstandyq tanymal ártisterdiń kontsertine kýá boldy.
