Kópshiliktiń narazylyǵynan keiin Túrkistan qalasynda «Ninety One» jáne «Shiza» toptarynyń kontserti ótpeitin boldy, dep habarlaidy QazAqparat.
«Túrkistan qalasynyń ákimdigi turǵyndar narazylyǵyn eskere otyryp, sharany uiymdastyrýshy «Kerýen sarai» týristik kesheniniń basshylyǵyna kontsertti ótkizbeý jóninde usynys joldady. Nátijesinde, keshen ákimshiligi atalǵan ánshilermen kelisimdi buzǵanyn habarlaimyz», - dep habarlady «Kerýen sarai» ákimshiligi.
Aita keteiik, 28 mamyr kúni «Ninety One», al 4 maýsymda «Shiza» tobynyń kontserti ótýi kerek bolatyn. Alaida, jergilikti turǵyndar jeli arqyly qos toptyń kontsert qoiýyna qarsylyq bildirdi. Kópshilik olardyń rýhani astanada óner kórsetýi durys emes degen mazmunda pikir jazǵan.
