Túrkistan qalasy qalasynyń ákimi Nurbol Turashbekovtiń «Bekzat» móltek aýdanynyń turǵyndarymen kezdesýinde sektor aýmaǵynan Halyqqa qyzmet kórsetý ortalyǵyn ashý boiynsha turǵyndar másele kótergen bolatyn. Osy máselege qatysty qala ákimi «Azamattarǵa arnalǵan úkimet» memlekettik korporatsiiasy Túrkistan oblysy filialynyń direktory Bahyt Basymbekke usynys joldap, el tilegin júzege asyrý úshin qoldaý bildirýge shaqyrdy.
Yntymaqty tirliktiń nátijesinde búgin úsh birdei sektor turǵyndaryna qolaily jerde jańa formattaǵy Tsifrlyq Halyqqa qyzmet kórsetý ortalyǵy ashyldy. Atalǵan nysan Tóle bi kóshesinde ornalasqan. Tsifrlyq HQKO-da endi «Shaýǵar», «Bekzat», «Saýran» móltek aýdandarynyń turǵyndary memlekettik qyzmetterdi alý múmkindigin ielendi.
Ortalyqtyń ashylý saltanatyna qala ákiminiń orynbasary Baidýlla Orazbekov, «Azamattarǵa arnalǵan úkimet» memlekettik korporatsiiasy» KE AQ Basqarma apparatynyń basshysy Qýatov Qýandyq qatysyp, turǵyndardyń qýanyshyna ortaqtasty.
«Tsifrlyq HQKO-da qyzmet kórsetetin operatorlar bolmaidy, adamdardyń tsifrlyq qyzmetterdi alý saýatyn ashý ortalyǵy retinde qyzmet jasaidy. Árbir azamat joǵary tehnologiialardy paidalaný arqyly memlekettik qyzmetterdi óz betinshe alýǵa úirenedi. Sebebi osy jerge kelý arqyly azamattar qyzmetterdi qalai alýdyń ońai ekenin kórip, bolashaqta bul jerge kelmei úiinde ne basqa jerde qyzmetterdi ala alady», – dedi basqarma apparatynyń basshysy Qýandyq Qýatov.
Bul – zamanaýi úlgidegi tsifrlyq tehnologiialarmen jabdyqtalǵan «Azamattarǵa arnalǵan úkimet» memlekettik korporatsiiasynyń front-ofisi. Munda azamattar arnaiy stend-pavilondarda ornalasqan qoǵamdyq qoljetimdi pýnktter, «ConnectionPoint» ózine-ózi qyzmet kórsetý sektorynyń jáne planshetterdiń kómegimen elektrondyq ótinimderdi óz betinshe tapsyra alady. Kelýshiler operatordyń kómeginsiz ózderine qajet kez kelgen qujatty rásimdep, tsifrlyq saýattylyq daǵdylaryn shyńdai alady. Sonymen qatar ortalyqta múmkindigi shekteýli jandarǵa qolaily jaǵdai jasaý maqsatynda arnaiy shaqyrý batyrmasy jáne jeke tereze jumys isteidi. Balalary bar kelýshilerge ana men bala bólmesi de qarastyrylǵan.
