Túrkistan tórinde Túrkistan oblysy ákimdiginiń jáne oblystyq mádeniet basqarmasynyń uiymdastyrýymen Ulttyq mereke – Respýblika kúnine orai 19-20 qazan kúnderi halyqaralyq «Voice of turan» qazaq ánderi baiqaýy ótti.
Eki kúni boiy álem elderinen kelgen qatysýshylar qazaq ánderin shyrqap, óz ónerlerin ortaǵa saldy. Ashylý saltanatyna TÚRKSOI halyqaralyq uiymynyń bas hatshysy Sultan Raev, Túrkistan oblysy ákiminiń orynbasary Sáken Qalqamanov, sonymen qatar elimizdiń tanymal juldyzdary men ziialy qaýym ókilderi qatysty.
Uly Turan dalasyn ánmen terbegen Halyqaralyq baiqaýdyń birinshi kúni shartaraptan kelgen qatysýshylar elimizge tanymal estrada ánshilerimen birge qazaq ánderin shyrqap, kórermenge kóterińki kóńil kúi syilady. Ekinshi kúni qatysýshylar aldymen Shámshi Qaldaiaqovtyń «Arys jaǵasynda» ánin birge oryndady. Sodan soń baiqaý talaby boiynsha qazaqtyń tanymal ánderin shyrqap, qazylar alqasynyń baǵasyn aldy. Ádil qazylar quramynda kompozitor, QR Memlekettik syilyǵynyń laýreaty Tólegen Muhamedjanov (qazylar alqasy tóraǵasy), ánshi, QR Memlekettik syilyǵynyń laýreaty, Qazaqstannyń, Tatarstannyń Halyq ártisi «Qurmet» ordeniniń iegeri Nurjamal Úsenbaeva, ánshi, kompozitor, prodiýser, QR Eńbek sińirgen qairatkeri, halyqaralyq án baiqaýlarynyń júldegeri Medeý Arynbaev, ánshi, kompozitor, QR Eńbek sińirgen qairatkeri Marjan Arapbaeva, ánshi, QR Eńbek sińirgen qairatkeri, kompozitor, halyqaralyq án baiqaýlarynyń júldegeri Janar Duǵalova, dástúrli ánshi, QR Mádeniet qairatkeri, Aigúl Qosanova, kompozitor, QR Mádeniet qairatkeri Bekjigit Serdáli bar.
Qazylar alqasynyń sheshimimen Grýziia elinen kelgen Tatiia Kobaladze Gran-pri iegeri atandy. Al 1-oryn Tatarstannan kelgen Ilgiz Shaihrazievqa buiyrdy. Júldeli 2-oryndy serbiialyq Stefan Zdravkovich pen Polsha ánshisi Mihal Kachmarek ielendi. Úshinshi oryn Katarina Bogichevich (Chernogoriia), Hristiana Dankova (Bolgariia), Navrýza Mahamadjanovaǵa (Ózbekstan) buiyrdy. Jeńimpaz ben júldegerlerge arnaiy diplomdar men qarjylai syilyqtar, al Gran-pri iegerine arnaiy statýetka tabystaldy.
Aita keteiik, buǵan deiin atalmysh baiqaý 2 ret onlain túrde ótken bolatyn. 2020 jyly Moldova respýblikasynan Galina Shkoda bas júldeni jeńip alsa, 2021 jyly býriatiialyq Tsyden Eshi Bimbaev Gran-pri iegeri atanǵan. Jobanyń bas prodiýsseri – Meiirjan Aliakbarov. Halyqaralyq án saiynyń nátijesinde 4 eldiń úzdik ánshilerinen qurylǵan «Turan Boys» kvarteti baiqaýdyń jabylý saltanatynda án shyrqady. Búginde olar qazaq ánderin nasihattaýda zor úles qosyp júr.
