Áleýmettik jelilerde Túrkistanda jaldamaly páterde eki balasyn tunshyqtyryp óltirgen áieldiń sońǵy jazbasy paida boldy, dep habarlaidy "Ult aqparat".
Shieli aýdanyndaǵy Pýshkin atyndaǵy №46 mektep-litseide tárbieshi bolyp jumys istep kelgen 31 jastaǵy áiel 6 aqpanda eshkimge eskertpesten, úiinen eki balasyn alyp, Túrkistan qalasyna ketip qalǵan.
Sonda páter jaldap, ertesine, 7 aqpanda 2 balasyn jastyqpen tunshyqtyryp óltirgen.
Osy oqiǵanyń aldynda kelinshek óziniń Instagram-daǵy paraqshasyna balalary men óziniń qolynyń sýretin salyp, "Júrekterimiz máńgi birge" dep jazypty. Oǵan Nurmahan esimdi ánshiniń "Bizge berilgen ýaqyt az ǵana" degen ánin qosqan.
"Eshkimge aita almai,
Baramyn tunshyǵyp.
Myń túrli synaqtan,
Óte almai júrmiz kúrsinip.
Taǵdyrǵa bosqa qyrsyǵyp,
Bizge berilgen ýaqyt az ǵana", – degen sózder bar.
Kelinshekti jaqsy tanityn dostary, synyptastary men synyp jetekshisiniń sózinshe, ol tolyqqandy otbasynan shyqqan, turmysy jaqsy, ózi óte aqkóńil, júrgen ortasyn kúldirip júretin ashyq minezdi, qonaqjai ári balalaryn qatty jaqsy kóretin áiel. Eshqandai dispanserlik esepte turmaidy. Mundai qylmysqa barady dep eshkim oilamaǵan.
Qazirgi ýaqytta adam óltirý faktisi boiynsha barlyq mán-jailardy anyqtaý maqsatynda tergeý júrgizilýde.
Aita keteiik, bloger Rabiǵa Medet mundai qylmysqa barǵan anany eshqandai ómirlik qiyndyq aqtai almaitynyn aitqan bolatyn.
