Búgin Túrkistan qalasynda zeinetkerlerge arnalǵan ortalyq ashyldy, dep habarlaidy «Ult aqaparat» Túrkistan oblysynyń Óńirlik kommýnikatsiialar qyzmetine silteme jasap.
Belsendi uzaq ómir súrý ortalyǵynda zeinetkerlerge dárigerdiń baqylaýy men keńesi boiynsha psihologiialyq kómek, tuzdy bólme, sensorlyq bólme, massaj, saýyqtyrý-gimnastika, LFK kabineti, eńbek terapiia, fitoterapiia, aǵartýshylyq kabinet, akt zaly, kitaphana alańy, biliard jáne tennis oiyn alańy, qosymsha bi, án t.b úiirmeleri qyzmet etedi.
Bir qoldanysy 10 klassikalyq massajǵa teń jańa innovatsiialyq bioenergetikalyq erekshe massaj apparaty arqyly birden 7 túrli em usynylady.
Qazirgi tańda Túrkistanda 14 915 zeinetker bar. Ortalyqta kúnine 60-70 adamǵa qyzmet kórsetý múmkindigi qarastyrylǵan.
Ortalyqtyń ashylýyna qatysqan qala ákimi Nurbol Turashbekov qariialarǵa júrekjardy lebizin bildirdi.
«Búgingi beibit kúnimiz – Sizderdiń keshegi eńbekterińizdiń jemisi. Barshańyz keiingi urpaqqa jaily orta úshin ter tóktińizder, endi biz Sizderge qyzmet etemiz. Men múmkindiginshe jii kelip, ózderińizdiń jaǵdailaryńyzdy bilip turamyn», – dedi shahar basshysy.
Mereke kúngi tartýǵa riza bolǵan qariialar igi iske uiytqy bolǵan azamattarǵa aq batasyn berip, izgi tilekterin arnady.
