Ózbekstannyń Namangan qalasynda belbeý kúresinen ótken Álem chempionatynyń júldegerleri Túrkistan qalasynyń ákimi Nurbol Turashbekovtiń qabyldaýynda boldy.
Dúniejúzilik doda qyrkúiek aiynyń 8-11 kúnderi aralyǵynda ótti. Tartysqa toly saiysta túrkistandyq Aidarbek Toqtarbek 100 keli salmaq dárejesinde jeńimpaz atansa, qyzdar arasynda Ainur Aqjigitova 66 kelide, Gúlzira Qudasbek 58 kelide qola júldege qol jetkizdi.
Kók týymyzdy jelbiretken sportshylardy oblystyq jaýyngerlik óner qaýymdastyǵynyń qurmetti prezidenti, QR UQK Túrkistan oblysy boiynsha departamentiniń bastyǵy, general-maior Ábilseiit Dúisebaev quttyqtap, aldaǵy jarystarǵa sáttilik tiledi. Shahar basshysy Nurbol Ábdisattaruly balýandar men bapkerleri Jaqypbek Qasymbekov pen Ábsadyq Halillaevqa Alǵys hat usynyp, syi-siiapat tabystady.
«Júregi elim dep soqqan rýhty sportshylarmen maqtanamyz. Erik-jigerdi boiǵa jinap synnan súrinbei ótkenderińe alǵys bildiremin. Sport áleminde taý tulǵa dep ataityndai esimderińdi tanyta berińder», – dedi Ábilseiit Orazaqynuly.
Aita keteiik, sportshylar «Túrkistan oblystyq Á.Nurmahanov atyndaǵy olimpiada rezerviniń mamandandyrylǵan balalar-jasóspirimder sport mektebiniń saiypqyrandary. Chempiondar mektebi atanǵan sport mekemesi úzdikteriniń jolyn jalǵaǵan izbasarlar.
