Foto: Túrkistan oblysy Aýyl sharýashylyǵy basqarmasy
Túrkistan qalasynda alǵash ret «Sút jáne et baǵytyndaǵy asyl tuqymdy eshkiler» respýblikalyq kórmesi ótti. Is-shara Túrkistan oblysy ákimdiginiń qoldaýymen, «Seksek ata» sharýashylyǵynyń bastamasymen uiymdastyryldy.
Kórmege Qazaqstannyń ár óńirinen kelgen fermerler, veterinariia salasynyń mamandary men qonaqtar qatysty. Shetelden ákelingen Zaanen, Alpi, Lamancha, Anglo-nýbii, Býr, Kamori, Gýlabi syndy tanymal tuqymdar qoiylyp, jalpy sany 200-ge jýyq asyl tuqymdy mal basy tanystyryldy. Olardyń qatarynda sútti eshkiler, tekeler jáne laqtar bar.
Kórme barysynda qatysýshylar eshki sútinen jasalǵan qurt, irimshik, airan, kóje, iogýrt ónimderinen dám tatty.
Kórmege kórshiles Resei, Qyrǵyzstan, Ózbekstan azamattary qyzyǵýshylyq bildirip, tikelei efir arqyly tamashalady.
Tirkeýden soń eshkilerden synamalar alyndy. Atap aitqanda, syrt pishinderi baǵalanyp, ekstereri qaraldy. Boiy men salmaǵy ólshendi. Sútiniń mailylyǵy men qunarlylyǵy zerdelendi. Etti baǵyty da eskerildi. Qazylar alqasy jeke-jeke upai qoiyp, ádil túrde eń erekshe eshki túrin anyqtaýǵa atsalysty.
Nátijesinde eń sútti eshki Túrkistan óńirinen, syrt kelbeti úzdik tuqym Shymkent qalasynan, eń aýyr eshki Jambyl oblysynan shyqty.
Sonymen qatar «Saýynshylar», «Asyldandyrý», «Eń úzdik sút ónimderi» syndy nominatsiialar boiynsha kýboktar men 300 myń teńgege deiingi syilyqtar tabystaldy. Laqtar saiysy men saýynshylar jarysy da kópshiliktiń qyzyǵýshylyǵyn oiatty.
Kórmeni tamashalaýǵa kelgenderdiń sany 350 adamnan asty. Uiymdastyrýshylar bul igi bastama keleshekte dástúrli túrde jalǵasatynyn jetkizdi.
Aita keteiik, budan buryn Túrkistan oblysynda 47 kóshege ardagerlerdiń esimi beriletinin jazǵan bolatynbyz.
