Oblys ákimi Ómirzaq Shókeev Túrkistan qalasynda 5 adamnyń qaza bolý sebebin anyqtaý jónindegi komissiia otyrysyn ótkizdi, dep habarlaidy oblys ákimdiginiń baspasóz qyzmeti.
Óńir basshysy Politsiia departamentine, Tótenshe jaǵdailar departamentine jan-jaqty tergeý júrgizýdi, bolǵan oqiǵaǵa kinálilerdi tabý jáne jazalaýdy tapsyrdy.
Bes adamnyń ólimine bailanysty qylmystyq is qozǵalyp, tergeý amaldary júrgizilýde. Densaýlyq saqtaý basqarmasynyń psihologtar toby qaitys bolǵan jandardyń týystary men jaqyndaryna kómek kórsetetin bolady.
Marqumdardy jerleý ornyna jetkizý úshin kólik uiymdastyrylyp, jerleýdi uiymdastyrýǵa qosymsha járdem kórsetilmek.
Sondai-aq, 28 aqpanda saǵat 11-de barlyq múddeli organdardyń qatysýymen baspasóz máslihatyn ótkizý týraly sheshim qabyldandy.
Eske salaiyq, 27 aqpan kúni saǵat 18:35-te Túrkistan oblystyń TJD-nyń «103» qyzmetinen Túrkistan qalasyndaǵy jeke turǵyn úide kórshileri 5 adamnyń, onyń ishinde kámelettik jasqa tolmaǵan 4 balanyń máiitin taýyp alǵany týraly habarlama tústi. Úi ishinde órt bolmaǵan.
Qaiǵyly jaǵdaidyń sebebin anyqtaý boiynsha arnaiy komissiia quryldy.
Oqiǵa ornyna aimaq basshysy Ómirzaq Shókeev bardy. Ol oqiǵanyń tergeý barysyn jeke baqylaýyna alyp, qaza bolǵandardyń týystary men jaqyndaryna kóńil aitty.
