Foto: Aqorda
Prezident Qasym-Jomart Toqaev Túrkiialyq Orzax Group kompaniiasynyń basqarma tóraǵasy Selman Alimoǵlyny qabyldady. Kezdesýde Qazaqstanda birlesken jobalardy júzege asyrý máseleleri talqylandy, dep habarlaidy Ult.kz.
Memleket basshysy Túrkistan oblysynda biologiialyq belsendi qospalar (BBQ) óndiretin zaýyt salý týraly bastamany qoldap, bul jobanyń otandyq farmatsevtika salasyn ártaraptandyrýǵa jáne eksporttyq áleýetti arttyrýǵa úles qosatynyn atap ótti.
Selman Alimoǵlynyń aitýynsha, kompaniia óndiristi damytýmen qatar, ǵylymi-zertteý men innovatsiia baǵyttaryna da basymdyq beredi.
Qazirgi tańda Orzax Group BBQ-nyń 150 túrin shyǵaryp, 60 elge eksporttaidy. Qazaqstandaǵy zaýyt jobasyna 40 mln dollar investitsiia salynyp, 500 adam turaqty jumyspen qamtylady.
Bul joba elimizdiń farmatsevtika sektoryndaǵy iri ári strategiialyq seriktestikterdiń biri bolmaq.
