Túrkistan oblysynda Saryaǵash aýdanynyń turǵyny «koronavirýs juqtyrǵan áiel aramyzda júr» dep áleýmettik jelilerde jalǵan aqparat taratqan. Óz kezeginde jábirlenýshi politsiiaǵa jalǵan aqparat taratýshylardy jaýapkershilikke tartý týraly ótinish bildirgen, dep habarlaidy "Ult aqparat".
Atalǵan jait boiynsha politseiler QR QK-niń 274-baby 2-bóligi «kórineý jalǵan aqparat taratý» boiynsha SDTBT-ǵa tirkep, shuǵyl izdestirý jumystaryn júrgizdi. Keles APB-nyń politsiia qyzmetkerleri 18 naýryz kúni jalǵan aqparat taratýshyny anyqtap, ustaǵan. Kúdikti óz áreketin tolyq moiyndap, jasaǵanyna ókingenin jetkizgen. Qazirgi ýaqytta atalǵan jait boiynsha sotqa deiingi tergeý amaldary júrgizilip, tiisti saraptamalar taǵaiyndaldy. Kúdikti qolhatpen bosatylǵan.
Al, jelide taralǵan aýdiohabarlamadaǵy áieldiń 10.03.2020 j Máskeý-Shymkent reisimen Germaniiadan ushyp kelgeni belgili bolǵan. Áýejaida ony meditsina qyzmetkerleri qarsy alyp, Shymkent qalasyndaǵy páterine úi jaǵdaiyndaǵy karantinge jatqyzǵan. Qazirgi ýaqytta ol ambýlatoriialyq em qabyldaýda. Onyń densaýlyǵyna tónip turǵan qaýip joq ekeni anyqtaldy.
