Sozaq aýdanynda qar qursaýynda qalǵan 50 jolaýshyǵa kómek kórsetildi, dep habarlaidy Túrkistan oblysy ákimdiginiń baspasóz qyzmeti.
«Búgin 16:00-de aýa raiynyń kúrt ózgerýine bailanysty jabylǵan KH-2 «Ulanbel-Sozaq-Ekpindi» tasjolynda «Shaian–Sholaqqorǵan» arasynda Taskómirsai aýylynan shamamen 15 km qashyqtyqta qar qursaýynda qalǵan «Shymkent–Stepnoi baǵytyndaǵy avtobýs ishindegi jolaýshylarǵa jáne basqa da avtokólikterdegi adamdarǵa kómek kórsetildi» delingen habarlamada.
Oqiǵa ornyna Túrkistan oblysy Tótenshe jaǵdailar departamentinen 6 qyzmetker, 2 dana tehnika bardy.
Tótenshe jaǵdailar departamenti mamandarynyń málimdeýinshe, 1 avtobýs jáne 5 jeńil avtokóligindegi 50 jolaýshy onyń ishinde 3 bala bolǵan. Qazirgi tańda qar qursaýynda qalǵan jolaýshylarǵa kómek kórsetilip, Sholaqqorǵan aýylyna jetkizildi. Qaza taýyp, jaraqat alǵandar joq.
