Túrkistan oblysynyń ákimi Ómirzaq Shókeev Halyqaralyq áielder kúni qarsańynda Ordabasy aýdanynda turatyn altyn qursaqty analar - Nazira Alieva men Aigýl Aiazbaevanyń úiine bardy. Bul týraly oblys ákiminiń baspasóz qyzmeti habarlaidy.
Kezdesýde óńir basshysy áýlettiń berekesi men uiytqysyna ainalǵan aiaýly jandardy kele jatqan merekemen quttyqtady.
«Menińshe, barlyq deńgeidegi ákimder kópbalaly otbasylardyń jaǵdaiymen tanysýy kerek. Olarmen betpe-bet júzdesip, qandai kómek qajet ekenin bilgen jón dep oilaimyn. Siz siiaqty jandarǵa memleket tarapynan qashanda tiisti qoldaý jasalady. Jaqynda Elbasymyz N.Nazarbaev «Nur Otan» partiiasynyń sezinde kópbalaly otbasylardyń turmys jaǵdaiyn jaqsartý jóninde Úkimet pen ákimderge naqty tapsyrmalar berdi. Az qamtamasyz etilgen, ásirese kópbalaly otbasylardy qoldaýdyń sharttary jeńildep, ár balaǵa 21 myń teńge kóleminde járdemaqy beriledi. Sizder ssiiaqty batyr analarymyz kóp bolsyn. Jas qyz-kelinshekter ózderińizden úlgi alýy tiis», - dedi oblys basshysy.
Sondai-aq, oblys ákimi kópbalaly analarǵa merekelik syilyǵyn tabys etti.
Aita keterligi, Nazira Alieva - Ordabasy aýdany, Qajymuqan aýyl okrýgi, Temirlan aýylynyń turǵyny. Otbasynda 1 ul, 5 qyz tárbielep otyr. Aigúl Aiazbaeva da osy aýdannyń turǵyny. «Kúmis alqa» iegeri. Jeke kásipker. Ardaqty analar óńir basshysynyń arnaiy quttyqtap kelgenine rizashylyq bildirip, Túrkistandy órkendetý baǵytyndaǵy bastamalaryna sáttilik tiledi.
