Sýret: videodan skrinshot
TJM málimetinshe, 22 tamyz kúni Shymkent qalasynyń alty turǵyny (úsheýi er, úsheýi áiel) Báidibek aýdanyndaǵy «Úlken Tura» shyńyna shyqqannan keiin belgilengen ýaqytta oralmaǵan. Bailanys ta úzilgen, dep habarlaidy Ult.kz.
Qutqarýshylar «Syrdariia–Túrkistan» óńirlik tabiǵi parki aýmaǵyna attanyp, shamamen 5 shaqyrym taýly aimaqty, sonyń ishinde 1 shaqyrym ózen boiyn jaiaý júrip ótti.
Top túnde tabyldy. Áielderdiń biriniń aiaǵy synǵany anyqtaldy, sondyqtan qalǵandary ony ózdiginen tasymaldai almaǵan.
TJM azamattarǵa taýǵa shyqqanda muqiiat daiyndalyp, bailanys quraldarynsyz jolǵa shyqpaý qajettigin eskertedi.
