Túrkistan oblysynda jantúrshigerlik jol apaty bolyp, bir adam jansaqtaý bóliminde qaitys boldy, - dep habarlaidy "Ult aqparat" Polisia.kz-ke silteme jasap.
"28 qazanda Túlkibas aýdany politsiiasynyń kezekshi bólimine Batys Qytai - Batys Eýropa tasjolynyń 651 shaqyrymynda jol apaty bolǵany týraly habarlama kelip tústi. Oqiǵa bolǵan jerge politsiia qyzmetkerleri shuǵyl jetti.
Shymkent qalasynyń turǵyny Renault júk kóligimen Almatydan Shymkentke ózimen bir baǵytta júrip kele jatqan Mazda 626 kóliginiń artqy bóliginen soqqan. Saldarynan Mazda 626 kóliginiń júrgizýshisi aýrýhanaǵa jetkizilip, jansaqtaý bóliminde qaitys boldy", - dedi Túlkibas aýdandyq politsiia bóliminiń inspektory Raýan Qalshoraev.
Qazir QR Qylmystyq kodekstiń 345-baby (Jol qozǵalysy jáne kólik quraldaryn paidalaný erejelerin buzý) boiynsha sotaldy tergeý amaldary júrgizilip jatyr. Oqiǵanyń mán-jaiy anyqtalyp jatyr.
