Túrkistan oblysy Sairam aýdany, Kólkent aýylynyń turǵyny Karima Yrysdáýletova úsh qyzdy ómirge ákeldi, dep habarlaidy QazAqparat.
Bul - 23 jastaǵy Karima Yrysdáýletovanyń tuńǵysh sábileri. Jas ana №2 oblystyq perinataldyq ortalyqta bosandy. Merzimine jetpei tolǵaǵy bastalǵandyqtan bilikti dárigerlerdiń qatysýymen ota jasalyp, ol sátti ótti.
Qazir jas ananyń jaǵdaiy jaqsy. Shaqalaqtardyń da densaýlyǵy qalypty.
Qyzdarǵa Raiana, Raziia, Raihana esimi berildi. Olar perinataldyq ortalyq dárigerleriniń baqylaýyna alynǵan.
