Túrkistan oblysy Tólebi aýdanynda úshem dúniege keldi, dep habarlaidy "Ult aqparat" oblys ákiminiń baspasóz qyzmetine silteme jasap.
Leńgir qalasynyń 36 jastaǵy turǵyny Aqerke Sergebaeva oblystyq №1 perinataldy ortalyǵynda eki qyz ben bir ul bosandy.
Túrkistan oblysy qoǵamdyq densaýlyq basqarmasynyń málimetinshe, osymen oblysta jyl basynan beri ekinshi úshem dúniege keldi.
Jańa týylǵan nárestelerge Baljan, Maǵjan, Toǵjan esimderi berildi.
Merziminen erte týǵan úshem perinitaldyq ortalyq dárigerleriniń baqylaýyna alynǵan.
Meditsina qyzmetkerleriniń kómegimen sábiler salmaq qosyp, densaýlyq jaǵdaiy jaqsarǵan. Úshem perzenthanadan shyǵýǵa ázir.
Úshem dúnie kelgen otbasynyń bir ul men úsh qyzy bar. Otaǵasy da, kópbalaly ananyń ózi de mektepte jumys isteidi.
«Qorqynysh boldy, árine. Allanyń syiyna sansyz shúkir. Sábilerimdi baǵyp, kútken dárigerlerge sheksiz rizamyn», - deidi úshemniń anasy.
Jyl basynan beri Túrkistan oblysynda 10 myńnan astam sábi dúniege keldi.
