Túrkistan oblysynyń qutqarýshylary eki sheteldik stýdentti izdeý jumystaryn júrgizip jatyr. Tótenshe jaǵdailar qyzmetine Úndistan Respýblikasynyń azamattary Aqsý shatqalyndaǵy Aqsý ózeninde sýǵa túsip, batyp ketkeni týraly aqparat túsken, dep habarlaidy QazAqparat.
Oblystyq TJD málimetinshe, sheteldik stýdentter Tólebi aýdanyndaǵy taýǵa 26 maýsym kúni saiahatqa shyqqan. 21 stýdentten quralǵan top Shymkent qalasynan kelgen eken. Olar - Úndistan Respýblikasynyń azamattary, Ońtústik Qazaqstan meditsina akademiiasynyń stýdentteri ekeni anyqtalǵan.
«Túrkistan oblysy TJD kezekshi-dispetcherlik qyzmetiniń pýltine keshki saǵat 20:10-da Tóle bi aýdanynyń Hanaryq aýylynan 5 shaqyrym jerde ornalasqan Aqsý shatqalyndaǵy Aqsý ózeninde 2001 jylǵy 2 stýdenttiń sýǵa batyp ketkeni týraly aqparat túsedi.
Izdestirý-qutqarý jumystaryna TJD-dan 19 qyzmetker, 1 júzý quraly jáne 4 tehnika, Politsiia departamentinen 10 qyzmetker jáne 5 tehnikasy men quraldary jumyldyryldy. Izdestirý jumystary áli jalǵasýda» delingen habarlamada.
