Foto: ashyq derekkóz
Memleket basshysynyń tapsyrmasy aiasynda óńirde jańa sý qurylystaryn salý boiynsha jobalar belsendi iske asyrylýda, dep habarlaidy Ult.kz.
Bul týraly Úkimet otyrysynda Túrkistan oblysynyń ákimi Nuralhan Kósherov baiandady.
Qazirdiń ózinde «Báidibek ata» sý qoimasynyń qurylysy júrgizilip jatyr, sondai-aq «Boraldai» jobasynyń jumysy bastaldy. Osy jobalar aiaqtalǵannan keiin «Bógen» sý qoimasyna qosymsha 113 mln m3 sý jiberiledi dep kútilýde, bul sýarmaly jerlerdi sýmen qamtamasyz etýdi aitarlyqtai arttyrady.
Sonymen qatar óńirde Ordabasy men Saýran aýdandarynda qosymsha sý qoimalary iske qosylady, bul táýligine 194 m3 deiin sý berýge múmkindik beredi.
«Biyl oblysta aýyl sharýashylyǵy daqyldary 890 myń gektarǵa, ótken jylmen salystyrǵanda 17 myń gektarǵa artyq egildi. Onyń ishinde, sýarmaly alqap 552,0 myń gektardy quraidy. Egistikke qajetti aǵyn sý kólemi fermerlerdiń suranysyna sáikes bólinedi. Vegetatsiialyq maýsym bastaldy jáne qalypty deńgeide ótip jatyr», — dep atap ótti Túrkistan oblysynyń ákimi Nuralhan Kósherov.
