Túrkistan oblysynda prokýrordyń telefonyn tartyp almaq bolǵandarǵa qatysty sotaldy tergeý amaldary júrip jatyr. Bul týraly oblys prokýratýrasy málim etti, - dep habarlaidy Tengrinews.kz.
Prokýratýra málimetinshe, 28 qyrkúiekte Túrkistan oblysy Tólebi aýdany Kóksáiek aýylynda qoǵamdyq rezonans týdyrǵan oqiǵa boldy. Aýdandyq prokýratýranyń kezekshi prokýrory jedel-tergeý tobymen oqiǵa ornyna barǵan. Qyzmetker "ózine tiesili smartfon arqyly jinalǵandarǵa qoldanystaǵy zańnama talaptaryn túsindirip, sondai-aq jol-kólik oqiǵasy boiynsha sotaldy tergep-tekserý bastalǵany" týraly aitqan.
"Alaida jinalǵandardyń arasynda belgisiz bireýler smartfondy tartyp alý úshin kúsh qoldanǵan. Búginde derekke qatysty olardyń jeke basy anyqtalyp, Qylmystyq kodekstiń 380-baby ("Bilik ókiline qatysty qorqytý nemese zorlyq-zombylyq árketi") boiynsha sotaldy tergeý bastaldy.
QR Qylmystyq-protsestik kodeksiniń 201-baby talaptaryna sáikes, ózge derekter jariialaýǵa jatpaidy", - dedi vedomstvo ókilderi.
Eske salaiyq, jol apaty 28 qyrkúiekte Tóle bi aýdany Kóksaiek aýyly kósheleriniń birinde Vaz-2103, Audi 100, Mazda 626 kólikteriniń qatysýymen bolǵan.
