Túrkistan oblysynyń jurtymen júzdesýinde Memleket basshysy Prezidenttiń bir ǵana merzimge sailanýy jaily pikir bildirgen bolatyn.
«Bilik pen qoǵam arasyndaǵy dialog nyǵaia tústi. «Halyq únine qulaq asatyn memleket» tujyrymdamasyna basa mán berilip otyr. Bul aýqymdy jumysty búkil qoǵamymyz birlese atqardy. Degenmen, osymen toqtap qalýǵa bolmaidy», dedi Memleket basshysy.
Prezident osy sara joldan taiqymai, ilgeri júrý kerek ekenin jetkizdi.
«Taǵy bir asa mańyzdy reforma – Prezidenttiń bir ǵana merzimge sailanýy. Bizdiń aimaqtaǵy qai memleketti alyp qarasańyz da, mundai ózgeris múldem bolmaǵan. Sondyqtan bul reforma demokratiia jolyndaǵy batyl qadam dep senemin. Táýekelge bel býsaq ta, osyndai sheshim halqymyzdyń jarqyn bolashaǵy úshin kerek dep kámil senemin», dedi Qasym-Jomart Kemeluly.
Elimizde kezekten tys Prezident sailaýy biylǵy 20 qarashaǵa belgilengen. Osy rette Prezident bul naýqan zańǵa sáikes, ádil jáne ashyq ótetinine kepildik berdi. Osy oraida, Prezident bul reforma ne úshin jasalmaqshy degen suraqqa da jaýap bere ketti.
«Másele mynada: Prezidenttik laýazymǵa kóp jyl boiy bir ǵana adam ie bolmaýy kerek. Álemde bolsyn, bizdiń elimizde bolsyn kóp jyl boiy bir ǵana adam eń joǵary laýazymǵa ie bolsa, mundai jaǵdai elge de, Memleket basshysyna da abyroi ákelmeidi. Biz bolashaqqa nyq senimmen qarap, adal, daryndy saiasatkerlerge jol ashýymyz kerek. Jalpy, jurt bizdiń saiasi júieni ózgertý týraly josparymyzdyń mán-mańyzyn jaqsy túsinip otyr», dedi Prezident.
Jalpy, Túrkistan oblysynyń turǵyndary elimizdegi saiasi naýqandarǵa belsendi aralasyp keledi. Túrkistan oblystyq aýmaqtyq sailaý komissiiasynyń tóraǵasy Álibek Ómirálievtiń aitýynsha, búginde oblysta sailaýǵa tyńǵylyqty daiyndyq bastaldy. Tóraǵa atap ótkendei, Túrkistan oblystyq aýmaqtyq sailaý komissiiasynyń málimeti boiynsha, óńirde 1 mln. 168 myń 477 sailaýshy tirkelgen. Sondai-aq, óńirdegi 17 aýdan-qala boiynsha 519 sailaý ýchaskesi bar. Qazirgi tańda olardaǵy materialdyq-tehnikalyq jabdyqtalýy talapqa sai tolyq daiyn deýge bolady.
Memleket basshysy Túrkistanǵa kelgen saparynda óńir turǵyndaryn sailaýǵa belsene qatysyp, Ádiletti Qazaqstandy birge qurýǵa shaqyrǵan bolatyn.
«Túrkistandyqtar da sailaýǵa belsene qatysyp, óz tańdaýyn jasaidy dep senemin. Otanymyzdyń bolashaǵyna bárimiz birdei jaýaptymyz. Sondyqtan barshańyzdy el taǵdyryna bei-jai qaramaýǵa shaqyramyn. Ádiletti Qazaqstandy birge quraiyq!», dedi Prezident.
Sailaý – mańyzdy naýqan. Elimizdegi saiasi jańǵyrtý baǵytyndaǵy sheshimderdi qoldai otyryp, sailaýdyń joǵary deńgeide ótýine atsalysý asa mańyzdy.
