Túrkistan oblysynda turmystyq zorlyq-zombylyq faktileri boiynsha ákimshilik jaýapkershilikke tartý úshin 2 myńnan astam is-qujattar sotqa joldanǵan. Ákimshilik isterdiń 64 paiyzy sotta taraptardyń tatýlasýymen qysqartyǵan. Saraptama qorytyndysy kórsetkendei, turmysta jasalǵan qylmystardyń 30 paiyzy mas hálde nemese spirttik ishimdikterdi birlesip ishý kezinde týyndaǵan.
Mastyqpen jasalatyn qylmystar men quqyq buzýshylyqtardyń aldyn alý maqsatynda Ordabasy aýdanynyń «Jýsansai», «Aq qoily», Jetisai aýdanynyń «Almaly» jáne Maqtaaral aýdanynyń «Jeńis» eldi mekenderinde turǵyndardyń bastamasymen dúkender spirttik ishimdik satýdan bas tartqan. Bul másele oblys ákimi Darhan Satybaldynyń tóraǵalyǵymen ótken apparat otyrysynda talqylandy.
Atalǵan eldi mekenderde qylmys sany azaiǵan. Óńir turǵyndarynyń qaýipsizdigin saqtaý máselesinde bul bastama arqyly aýdan halyq kópke úlgi bolyp otyr. Túrkistandyq aqsaqaldardyń Túrkistandy «Araqsyz qala, sharapsyz shaharǵa» ainaldyrý baǵytynda kóterip otyrǵan máselesi de oryndy.
«Osy baǵytta jumysty kúsheitý kerek. Basty maqsat – oblys aýmaǵyn qaýipsiz aimaq etý. Sanaly urpaq tárbieleýde ana men bala quqyǵyn qorǵaýdyń mańyzy zor», – dedi Túrkistan oblysynyń ákimi Darhan Satybaldy.
Óńirdegi Jastar resýrstyq ortalyqtary janynan «Áleýmettik – psihologiialyq súiemeldeý qyzmeti» sektorlary jumys isteýde. Jyl basynan beri oblys aýmaǵyndaǵy 6 sektorda 1myńnan astam adamǵa qyzmet kórsetildi. Onyń ishinde, 573 (55,7%) – áielder, 255 (24,8%) – kámeletke tolǵamaǵandar, 162 (15,8%) – erler azamattar, 38 (3,7%) – qarttar.
«Amanat» partiiasynyń sailaýaldy «Ózgerister joly: Ár azamatqa laiyqty ómir!» atty baǵdarlamasyn oryndaý jónindegi jol qartasyna sáikes 2025 jylǵa deiin árbir qala men aýdanda otbasyn qoldaý, otbasylyq janjaldardy sheshý jáne balalary bar áielderge ýaqytsha meken berý jónindegi 234 «Otbasyn qoldaý ortalyǵyn» ashý josparlanǵan. Túrkistan oblysynda biyl 3 ortalyq, jalpy 4 jylda 16 ortalyq ashý kózdelgen.
