Túrkistan oblysynyń biylǵy 8 aidaǵy áleýmettik-ekonomikalyq damýynyń negizgi kórsetkishteri oń deńgeide qalyptasty. Óńirdegi jalpy saýda kólemi 219,7 mlrd. teńgege jetip, 108,8%-ǵa ósti. Túrkistan oblysy bólshek saýda kólemi boiynsha elimizde kósh bastap tur. Jyl basynan bergi bólshek saýda kólemi 150,5 mlrd. Teńgeni kórsetip, 112,4%-ǵa ósti. Ónerkásip óniminiń kólemi 533,9 mlrd. teńgeni, onyń ishinde óńdeý ónerkásibi óniminiń kólemi 224,2 mlrd. teńgeni qurady. Bul týraly Túrkistan oblysy ákiminiń baspasóz qyzmeti habarlady.
Ekonomikalyq ósýdiń negizgi draiveri aýyl sharýashylyǵynyń jalpy ónim kólemi 476,9 mlrd. teńgege, nemese 2021 jyldyń sáikes kezeńimen salystyrǵanda 103,9%-ǵa jetken. Bul rette mal sharýashylyǵy +0,2%, al egin sharýashylyǵy +9% artqan. Oblysta siyr sútin óndirý +0,9%, taýyq jumyrtqasy ótken jyldyń sáikes kezeńimen salystyrǵanda +10,5% ulǵaidy.
Qurylys jumystarynyń kólemi 168,6 mlrd. teńgeni, nemese ótken jyldyń sáikes kezeńine 109,3%-dy qurady. Osymen birge, jalpy respýblika boiynsha turǵyn úi qurylysynyń báseńdeýine qaramastan, aǵymdaǵy jyldyń 8 ai qorytyndysymen Túrkistan oblysynda paidalanýǵa berilgen turǵyn úidiń jalpy alańy +33,7%-ǵa artty nemese 486,1 myń sharshy metrge jetti.
Sonymen qatar, oblysqa 337,6 mlrd. teńge investitsiia baǵyttaldy. Bul 2021 jyldyń sáikes kezeńimen salystyrǵanda +1,7%-ǵa artyq. Sondai-aq 2022 jylǵy tamyzda tutyný baǵalarynyń indeksi 2021 jylǵy jeltoqsanmen salystyrǵanda 113,8% qurady.
Budan bólek, aǵymdaǵy jylǵy qańtar-tamyzda kólik jáne qoimalaý salasy +10,6%-ǵa artyp, 285,8 mlrd. teńgege jetti. Bailanys qyzmetiniń kólemi 4,9 mlrd. teńgeni, nemese 108,7% qurady. Bul kórsetkish boiynsha oblysymyz úzdik úshtikke endi.
