Búginde arnaiy qurylǵan mobildik toppen birge politsiia qyzmetkerleri de karantin talaptarynyń qatań saqtalýyn qadaǵalaýda, dep habarlaidy "Ult aqparat" Túrkistan oblysy PD-niń baspasóz qyzmetine silteme jasap.
Túlkibas aýdanynyń politseileri karantindik rejim men sanitarlyq-epidemiologiialyq normalardy buzyp, kókpar uiymdastyrǵan turǵyndy anyqtady. Naqtyraq aitsaq, Rysqul aýylynyń turǵyny taý bókterinde kókpar ótkizgen.
Bul jaǵdaidan birden habardar bolǵan Túlkibas APB JPQ ÝPI Nurbol Esenbekov oiynǵa jinalǵan túrǵyndardy tarqatty. Sondai-aq, is-sharaǵa qatysýshylarǵa karantin talaptaryna jol bermeý týraly túsindirý jumystaryn júrgizdi.
Karantin kezinde kókpar uiymdastyrýshyǵa qatysty QR ÁQBtK-niń 425-baby «Halyqtyń sanitariialyq-epidemiologiialyq salamattylyǵy salasyndaǵy zańnama talaptaryn, sondai-aq gigienalyq normativterdi buzý» boiynsha ákimshilik hattama toltyrdy. Jinalǵan materialdar tiisti zańdy sheshim qabyldaý úshin SEBB-ǵa joldandy.
