Túrkistan oblysynda qoǵamdyq tamaqtaný nysandaryna jumys jáne demalys kúnderi sanitariialyq-dezinfektsiialyq rejimdi saqtai otyryp, saǵat 09.00-den 24.00-ge deiin jumys isteýine ruqsat berildi.
Ústelder arasynda keminde 2 metr áleýmettik qashyqtyqty saqtap jáne bir ústelde 4-6 adamnan asyrmai otyrǵyzylý qajet. Bul týraly oblystyq sanitariialyq-epidemiialyq baqylaý departamentiniń basshysy Nurbek Nyshanov málimdedi.
Sonymen qatar, balalar oiyn-saýyq ortalyqtarynyń jumysyna, saýda úileriniń, saýda jelileriniń qyzmetin 30%-dan aspaityn tolymdylyǵymen jumys jáne demalys kúnderi saǵat 09.00-den 21.00-ge deiin ruqsat berildi.
«Sporttyq sharalardy - áleýmettik qashyqtyqty, maskalyq tártipti, termometriiany, kórermenderdi shahmattyq tártipte otyrǵyzý, kúsheitilgen sanitarlyq-dezinfektsiialyq rejimdi saqtai otyryp ótkizýge bolady. Eske alý sharasyn zaldy 30%-ǵa deiin toltyryp, 50 adamnan asyrmai sanitarlyq-dezinfektsiialyq rejimdi saqtai otyryp ótkizýge ruqsat. Sondai-aq, jyljymaly tsirkterdiń jumysy, 30%-ǵa deiin toltyrýmen, kórermenderdi qatardyń uzyndyǵy boiynsha ár 2 orynnan keiin otyrǵyzýmen qaita jandanady. Biliard klýbtarynyń jumysyna 30%-ǵa deiin toltyrýmen ruqsat berildi», - dedi Nurbek Sadyqbekuly.
