Қазақстан Тәуелсіздігіне 25 жыл

Túrkistan oblysynda qoǵamdyq tamaqtaný oryndarynyń qyzmet kórsetý ýaqyty ózgerdi

Túrkistan oblysynda qoǵamdyq tamaqtaný oryndarynyń qyzmet kórsetý ýaqyty ózgerdi

Túrkistan oblysynda birqatar karantin talaptaryna ózgerister engizildi. Óńirdiń bas sanitar - dárigeriniń qaýlysyna ózgerister engizilip, qoǵamdyq tamaqtaný oryndarynyń qyzmet kórsetý ýaqyty keshki saǵat 22:00-ge deiin uzartyldy, dep habarlaidy "Ult aqparat".

Jańa qaýlyǵa sáikes, meiramhanalar men dámhanalarda kelýshilerge áleýmettik qashyqtyqty saqtai otyryp qyzmet kórsetýge ruqsat berildi. Sondai-aq, ashyq aýada jáne jabyq bólmede zalda kelýshileri 50-den aspaityn oryndarǵa (ujymdyq is-sharalarsyz) da ruqsat berildi. Al, Halyqqa qyzmet kórsetý ortalyqtarynyń (HQKO) jumysy (onyń ishinde arnaiy HQKO), jumys kúnderi saǵat 09:00-den 18:00-ge deiin, QR Eńbek zańnamasyna sáikes demalys jáne mereke kúnderi jumystary toqtatylatyn boldy. 

Saýda-oiyn-saýyq ortalyqtaryndaǵy (jeke bólmelerde) qoǵamdyq tamaqtaný nysandary jumys jáne demalys kúnderi saǵat 09.00-den 21.00-ge deiin qyzmet kórsetetin boldy. Barlyq synyptardyń oqýshylaryn aralas oqytýǵa (synypta 25 oqýshydan asyrmai, personal maskalyq rejimde, termometriia, kúsheitilgen sanitarlyq-dezinfektsiialyq rejim, is-sharalardy ótkizbeý, alyp kelýshiler men ata-analardyń bolýyna jol bermeý) kontingenti 300-ge deiingi qalalyq jáne aýyldyq mektepterde synyptardaǵy balalar sanyn 25-ten asyrmai, dástúrli formatta oqytýǵa ruqsat etildi. Bilim berý uiymynyń ákimshiliginiń sheshimi boiynsha, toptarda 15 adamnan asyrmai sabaqtan tys mezgilde oqýshylardy jeke oqytýǵa ruqsat etildi.