Túrkistan oblysynda karantin men shekteý sharalary epidemiologiialyq jaǵdai ońalǵanǵa deiin uzartyldy, dep habarlaidy "Ult aqparat" QR Úkimeti janyndaǵy Qazaqstanda koronavirýstyń taralýyna jol bermeý jónindegi vedomstvoaralyq komissiianyń Telegram kanalyna silteme jasap.
«Túrkistan oblysynyń aýmaǵynda karantin men shekteý sharalaryn uzartý týraly» Túrkistan oblysynyń Bas memlekettik sanitariialyq dárigeriniń 2021 jyldyń 14 sáýirindegi №8 qaýly talaptaryna sáikes, oblysta buqaralyq is-sharalar, forýmdar men konferentsiialardy, kórmelerdi ótkizýge tyiym salynǵan.
Oiyn-saýyq nysandary men býkmekerlik keńseler men qoǵamdyq qalalyq jaǵajailar men akvaparkter de jumys istemeidi. Al bilim berý uiymdary qashyqtan oqytýǵa kóship, bilimdi baǵalaý jumystary qashyqtan ótkiziledi. Meditsinalyq uiymdar men múmkindigi shekteýli adamdarǵa arnalǵan meditsinalyq-áleýmettik nysandarda, áleýmettik ońaltý ortalyqtarynda, internat úlgisindegi múgedek balalardy oqytýǵa arnalǵan oqý oryndarynda karantindi sanitarlyq-dezinfektsiialyq rejim saqtalýǵa tiis.
Qaýlynyń tolyq mátinimen myna jerden tanysýǵa bolady.
