Foto ©️ Tengrinews.kz / Turar Qazanǵapov
Túrkistan oblysy Keles aýdany ákimdigi ǵimaratynyń ishinde eki adam birimen biri sózge kelip, tóbelesken, - dep habarlaidy otyrar.kz.
Eki adamnyń biri ákimdikte kelisimshartpen jumys istep júrgen. Ekinshisi - aýdan turǵyny, jumyssyz. Ákimdik dereginshe, oqiǵa dúisenbide tańerteń bolǵan. Tóbeleske qatysqandar birin biri tanidy.
"Bul adamdar memlekettik qyzmetshiler emes. Qazir bul oqiǵa boiynsha quqyq qorǵaý organdary sotaldy tergep-tekserý amaldaryn júrgizip jatyr", dep habarlady Keles aýdanynyń ákimdigi.
Ázirge tóbeles neden shyqqany, kim bastaǵany beimálim. Politsiia oqiǵaǵa qatysty aqparat taratpady. Beiresmi aqparatqa qaraǵanda, tóbeles kezinde bir adam jaraqat alǵan. Onyń qandai jaraqat alǵany belgisiz. Keles aýdandyq aýrýhanasy naýqastyń quqyǵyna bailanysty bul týraly qandai da bir aqparat berýden bas tartty.
