2 sáýirde Túrkistan oblysynda koronavirýs juqtyrǵan taǵy 6 adam anyqtaldy. Jetisai aýdanynan - 3, Kentaý qalasy - 1, Ordabasy – 1, Sairam - 1 naýqas tirkeldi, dep habarlaidy "Ult aqparat" oblys ákiminiń baspasóz qyzmetine silteme jasap.
Kentaýdan anyqtalǵan azamat Jetisai aýdanynan shyqqan naýqaspen bailanysta bolǵan.
«Al Ordabasy men Sairam aýdanynyń eki turǵyny - Shymkent qalasynda diagnozy rastalǵan azamattyń týystary. Naýqastar qazirgi ýaqytta oqshaýlanyp, em qabyldaýda. Atalǵan azamattarmen bailanysta bolǵandardy anyqtap, oqshaýlaý jumysy júrip jatyr» delingen habarlamada.
Aita keteiik, búginde Túrkistan oblysynda koronavirýs indetimen jalpy 11 adam tirkelgen.
