Túrkistan oblysynda jyl basynan beri úshinshi úshem dúniege keldi, dep habarlaidy QazAqparat.
Tólebi aýdany Leńgir qalasynyń 36 jastaǵy turǵyny Aqbota Qudaibergenova eki qyz, bir ul bosandy.
Jańa týǵan nárestelerge Aqjúrek, Aqniet, Qasiet esimderi berildi.
Sábiler búginge deiin perinitaldyq ortalyq dárigerleriniń baqylaýynda bolǵan. Qazir ana men náresteniń jaǵdaiy birqalypty.
Otaǵasy Temirbek Tájiev qurylys salasynda eńbek etse, otanasy Aqbota Qudaibergenova mektepke deiingi bilim berý mekemesinde jumys isteidi.
Buǵan deiin eki ul men bir qyzy bar otbasy birden 6 balaly bolyp, qýanyshqa kenelip otyr.
