Túrkistan oblysy, Otyrar aýdanynda bir otbasy joǵalyp ketti, dep habarlaidy ult.kz.
Bul týraly jýrnalist Gúlmira Ábiqai aitty.
“06.07.26 túnde qyzynyń jaǵdaiyn bilýge kelgen óz anasy men enesi Uldananyń ornyn sipap qalǵan. Kelin de, 4 bala da joq. Kúieýi vahtada jumys isteidi. Aýyl arasy, tanystarǵa ketken bolar dep erteńine kútip-kútip týystardyń tózimi taýsylyp politsiiaǵa habar bergen.
“Uldananyń sál aqyl-es kemistigi bar, eshkimge ziiany joq adam. Sol ańqaýlyǵyn paidalanyp, aldaý-arbaýǵa túsip qaldy ma eken? Ishki ister organy yqylaspen qaramai otyr” dep jazypty maǵan.
Shynynda da, týystardyń aitqany ras bolsa politsiia 6 kúnnen beri 5 adamdy izdemei beiqam júrgeni qalai?
Shiettei 4 balamen bir túnde qaida ǵaiyp bolýy múmkin?
Ádette, balamen ubap-shubaǵan áiel eldiń kózine birden túsedi emes pe?!
Biraq, 6 kúnnen beri Uldana men 4 balasyn kórdim-bildim degen jan joq?!
Bir otbasy túgel joǵaldy dese Sultannan soń qorqyp qaldyq qoi ózi. Bular aman bolsa eken”, - dep jazdy jýrnalist.
