Túrkistan oblysyndaǵy jaza óteý mekemesinde áieli kúieýine mántiniń arasyna salyp telefon kirgizbek bolǵany anyqtaldy, dep habarlaidy "Ult aqparat" QR IIM Qylmystyq-atqarý júiesi komitetine silteme jasap.
Komitettiń baspasóz qyzmetiniń málimdeýinshe, Túrkistan oblysy Qylmystyq-atqarý júiesi departamentiniń qaýipsizdik deńgeii barynsha kúsheitilgen mekemesiniń qyzmetkerleri keshe elektrondy bailanys quraldaryn alyp kirý áreketiniń jolyn kesti.
«Kúieýin kórýge kelgen áiel uialy bailanys telefony men jady kólemi 4 gb flesh-kartany ystyq tamaqtyń – mántiniń ishine salyp kirgizbek bolǵan», - deidi vedomstvo ókilderi.
Áieldiń aitýynsha, belgisiz bireýler týra osy túrmede otyrǵan adamǵa ystyq tamaq ala barýyn suraǵan. Endi osy áreketi úshin ol ákimshilik jaýapqa tartylyp, 10 AEK mólsherinde aiyppul salynýy múmkin.
Osy derek QAJ mekemesiniń Esepke alý jáne aqparat kitabyna tirkeldi, materialdar protsestik sheshim qabyldaý úshin sotqa jiberildi.
