Foto: videodan skrinshot
Túrkistan oblysy, Sairam aýdanyna qarasty Aqsýkent aýylynda jergilikti turǵyn bir kúnniń ishinde eki birdei jol-kólik oqiǵasyn týdyryp, jasóspirimderdiń densaýlyǵyna ziian keltirdi, dep habarlaidy Ult.kz.
Politsiia málimetinshe, CHANGAN avtokóligin tizgindegen áiel aldymen jaiaý júrginshiler ótpesinde balany qaǵyp ketip, oqiǵa ornynan boi tasalaǵan. Arada kóp ýaqyt ótpei, kelesi bir kóshede rýlge ie bola almai, jol jiegine shyǵyp ketken. Sonyń saldarynan oryndyqta otyrǵan mektep oqýshysyn qaǵyp toqtaǵan.
Zardap shekken eki bala da shuǵyl túrde aýrýhanaǵa jetkizildi. Dárigerlerdiń tekserýinen keiin olardyń biri úiine jiberilse, ekinshisi meditsinalyq kómek alýda.
Tártip saqshylary júrgizýshini ustap, ýaqytsha ustaý izoliatoryna qamady. Saraptama qorytyndysy áieldiń kólikti mas kúiinde basqarǵanyn rastady. Qazirgi tańda atalǵan derek boiynsha tergeý amaldary júrgizilip jatyr.
