فوتو: ۆيدەودان سكرينشوت
تٷركٸستان وبلىسى, سايرام اۋدانىنا قاراستى اقسۋكەنت اۋىلىندا جەرگٸلٸكتٸ تۇرعىن بٸر كٷننٸڭ ٸشٸندە ەكٸ بٸردەي جول-كٶلٸك وقيعاسىن تۋدىرىپ, جاسٶسپٸرٸمدەردٸڭ دەنساۋلىعىنا زييان كەلتٸردٸ, دەپ حابارلايدى Ult.kz.
پوليتسييا مەلٸمەتٸنشە, CHANGAN اۆتوكٶلٸگٸن تٸزگٸندەگەن ەيەل الدىمەن جاياۋ جٷرگٸنشٸلەر ٶتپەسٸندە بالانى قاعىپ كەتٸپ, وقيعا ورنىنان بوي تاسالاعان. ارادا كٶپ ۋاقىت ٶتپەي, كەلەسٸ بٸر كٶشەدە رۋلگە يە بولا الماي, جول جيەگٸنە شىعىپ كەتكەن. سونىڭ سالدارىنان ورىندىقتا وتىرعان مەكتەپ وقۋشىسىن قاعىپ توقتاعان.
زارداپ شەككەن ەكٸ بالا دا شۇعىل تٷردە اۋرۋحاناعا جەتكٸزٸلدٸ. دەرٸگەرلەردٸڭ تەكسەرۋٸنەن كەيٸن ولاردىڭ بٸرٸ ٷيٸنە جٸبەرٸلسە, ەكٸنشٸسٸ مەديتسينالىق كٶمەك الۋدا.
تەرتٸپ ساقشىلارى جٷرگٸزۋشٸنٸ ۇستاپ, ۋاقىتشا ۇستاۋ يزولياتورىنا قامادى. ساراپتاما قورىتىندىسى ەيەلدٸڭ كٶلٸكتٸ ماس كٷيٸندە باسقارعانىن راستادى. قازٸرگٸ تاڭدا اتالعان دەرەك بويىنشا تەرگەۋ امالدارى جٷرگٸزٸلٸپ جاتىر.
